KHI Fajr Namaz Time Today 10 February 2022 | KHI Prayer Time Today
Namaz Time
Namaz farsi zuban ka aik lafz hai jis ko Arabi zuban main "Salah" kehte hain. Namaz Islam ke paanch bunyadi arkaan main se doosra rukan hain. Namaz musalmano ki sab se eham ibadaton main se aik ibadat hai.
Namaz saare aamal main afzal tareen ammal hai. Jaisa ke Hazrat Muhammad (Salallah o alaihi wa sallam) ne farmaya:
"Aamal main afzal tareen ammal namaz ko us ke awwal waqt main ada karna hai"
Namaz islam ke ibadi ahkaam main se aik hukam hai jis ko din aur raat main 5 time moayyan auqat main anjam daina tamam musalmano par wajab hai.
Namaz 2 iqsaam ki hoti hain, "Farz Namaz" aur "Nafil Namaz". ALLAH PAK ne Shab e Mairaj ko ummat e Muhammadi par 5 darj zail namaz farz ki thi;
1. Fajr namaz
2. Zuhr namaz
3. Asr namaz
4. Maghrib namaz
5. Isha namaz
Aaj ki is post ke andar aap ko Karachi (Khi) shehar ke liye in hi 5 waqt ki farz namaz ka time bataya jaaye ga.
Karachi (Khi) Fajr Time
Namaze fajar ya subah ki namaz islam ki 5 waqt ki farz namaz main se pehli namaz hai. Namaz fajr rozana subah taloo e aftab se pehle ada ki jati hai. Namaz fajar talu fajr se talu e aftab ke darmiyani time me lazmi ada karna hoti hai.
Taloo e fajr ko hi Subah Sadiq kaha jata hai. Subha sadiq ka time raat ke khatam hone ki nishandahi karta hai. Fajr namaz ki fazeelat ka time subah sadiq ke shiru(yaani namaz fajr ki azan) se le kar tulu e aftab se qabal mashriq ki janib shafaq(surkhi) zahir hone tak hai.
Har insan ko subah sadiq ya taloo e aftab ka sahi andaza karna mushkil ho jata hai. Isi liye ulama ne science ki madad se subah sadiq aur taloo e aftab ke time ka darust tay'yun kar ke fajr ki namaz ka time bata dia hai taa ke logon ko aasani rahe.
Comments